Panjaitan

Rencana Partangiangan dan Pesta Bona Taon 2012

Posted on: Oktober 9, 2011

Horas ma di hita saluhutna, Marsakkap do hita Punguan Panjaitan Dohot Boruna se JABODETABEK patupahon Partangiangan dohot Pesta Bona taon 2012. Ima nanaeng sipatupaonta :

Ari            : Minggu

Tanggal  : 29 Januari 2012

Inganan : Stadion Tennis Indoor Gelora Bung Karno Senayan.

Diparkirahon do biaya naporlu tu pesta i godangna Rp. 421.500.000 (Opat ratus dua puluh sada juta lima ratus ribu rupiah). Parkiraan ni dana on mengacu do tu jumlah pengeluaran Pesta Bona Taon 2011 ditambah 10%.

Sian dia do dapot dana on ?. Ba tontu sian hita Ruas ni Panjaitan ma ditambai Donatur.

Sesuai tu Anggaran Dasar ni Punguan naung di Revisi taon 2011, Setiap anggota (KK) markewajiban do mambayar iuran Rp. 10,000 (sampulu ribu rupiah)/bulan. Iuran on adong do on na dipapungu bendahara ni komisaris komisaris tiap bulan. Alai gumodangan do on na di tagih oleh komisaris sahali sataon menjelang Pesta Bona taon. Jadi dana na terkumpul on ma sipakkeon ni Panitia Pesta Bona Taon dohot tu keperluan ni gulmit ni parngoluon ni Punguan i, misalna Mambahen ulos uju pamuli boru hita manang mangoli bere/muli ibebere dohot tumpak ni punguan di tikki pangolihon anak hita. Songoni muse Tumpak di ulaon sari matua/saur matua dohot uang duka ditikki namonding dang dope sari matua.

Jadi pinangido dohot gomos tu hita namardongan tubu tarlumobi di hamu borunami asa rap mangurupi hita tu Punguan i, jadi molo ro Komisisaris ta manjalo iuran pintor talehon ma, molo denggan do akka pasu pasu na tajalo sian Amanta Debata, ta tambai ma berupa sumbangan. Molo tung berhalangan Komisaris manjalo iuran alani mungkin roncot ni ulaon manang kesehatan naso mendukung ba berbesar hati ma hita pataruhon.

Unang ma nian ta bahen gabe alasan, manang manihai akka Komisaris. Alana sude Pengurus i sian mulai Ketua Umum sahat tu Komisaris dang adong i na margaji sian punguan i. Sangat sering do di patupa teken les di sesama pengurus molo adong nanaeng sipatupaon, contohna tikki naeng patupahon Pertandingan Futsal ni Naposo, manang pertemuan ni akka naposo dohot pengurus di Puncak.

Adong ma sada keluarga na cukup berada, Na saleleng on tung so hea do di lehon amanta on rohana tu punguan i, ai didok rohana boi do sude ture molo adong hepeng. Menjelang pensiun amantaon marsahit ma ibana jala lumpuh, gabe habis ma na sinarinai. Ujung na monding ma amanta on, pintor hatop do ro boa boa sian iboto ni amatta  namonding on tu Pengurus, alana na somal na pengurus do namartugas di na martonggo raja (songon i do tong huroha di marga ni lae ni amanta na monding on). Jala di lehon punguan i do rohana mangalehon paniroion alana marbahasa batak pe so diantusi akka ianakkonna. Songoni do tong uang duka dipasahat punguan i do godang na Rp. 300.000 tu namabalu.

Dua bulan nai muli ma boru panggoran  ni amanta i, tong muse pintor hatop boru dohot lae ni amatta na monding i ro paboahon  jala mangido panuturion. Jala takkas do di lehon punguan i rohana laho maniroi dohot mangurupi, sian mulai na marhori hori dinding, marhusip, martumpol, martonggo raja, sibuha buhai sahat tu ujung ni pesta unjuk. Jala takkas do di pasahat punguan i Ulos na ganjang, ulos na hapal sitorop Rambu jala na mar gorga.

Di parpunguan ni akka pengurus, ro ma piga piga halak mandok : Ai boha do kebijaksanaan ta tu akka anggota na so olo mangalehon rohana hape molo adong na masa tong do di urus punguan i ?

Anggo ahu marpandapot, Aha na boi tabahen mangurupi akka dongan ba taulahon ma. Molo adong di pikkiran nasida na gabe mangangkali ba ibana ma mardabu dabu dohot Tuhan i. Tung so bangga do ahu manjalo sian punguan i hape dang hea hubahen tu punguan i. Maila do iba disi. Huhilala tung begu ni amatta i pe ra maila do mamereng dohot makkatai dohot begu ni akka dongan tubu na di alam nasida. Ai anggo dung mate hita so boi be tarpature, so adong boanonta, so na boi be hita papungu arta disi.

Jadi panimpuli ni hatangku : Tu Hita namardongan tubu Panjaitan, boru dohot bere naadong di JABODETABEK, ba rap parsidohot ma hita, jala masiurupan laho patupahon Pesta bona Taon 2012 dohot Papunguhon dana naporlu tu Pesta i dohot tu Operasional ni Punguanta. Molo ro Komisaris tu Jabutta, unang gabe ta ajari dakdanak i mandok Tidak ada Bapak atau Mama di rumah, hape di jabu do hita.  Ai ahu pe hea do Komisaris jadi olo do sipata songon na gale roha laho papungu dana on.     Untuk Komisaris Tetap semangat.

Horas

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s


  • todano: Ate akka dongan tubu na mamboto tarombo ni dongan tubutta Dian Panjaitan on, hub hamu ma melalui email na i. Mauliate
  • Dian Panjaitan: Saya Dian Panjaitan, saya kurang tau tarombo saya, soalnya atok saya meninggal sebelum saya lahir. Atok saya bernama Suhaimi Panjaitan, ayah atok saya
  • kisar bakti panjaitan: horas disasudena akka panjaitan au lahir dimedan au pomparan rj dogor no15 asa jelas on ma tarombokku: 1.Rj.panjaitan 2.Rj.situngo 3.Rj.dogor 4.

Kategori

%d blogger menyukai ini: